Unit 4 - Pakikisama (Social Life & Interactions)

PAG-UUSAP:   

                            “Parangal”

Nestor:             Magkakaroon daw ng isang parangal            
                        kay Propesor Domingo sa a-kinse ng Nobyembre.

Romy:               Hindi ba siya iyong Visiting Professor mula sa U.P?

Nestor:              Oo.  Siya nga. Nagtuturo siya  ng Panitikang Pilipino
                        dito sa Asian Studies Department.  Itong “sem” lamang.

Romy:               Itong sem lang pala!   Akala ko “tenured” na.

Nestor:              Hindi.  Isa lamang ang permanenteng propesor na Pilipino sa kampus natin. 
                        Kaya nga gusto kong pumunta sa parangal.  Dadalo rin ang Dean ng Humanities at ilang mga                                     kilalang manunulat na Pilipino-Amerikano dito sa California.  Magkita tayo doon, ha?

Romy:               Hindi pa ako sigurado.  Anong oras ba iyon?   May “study group”                                                                        kasi ako ng mga alas tres, sa Evans. 

Nestor:              E, alas singko pa naman ang parangal, e.  Sa Faculty Club.
Malapit lang sa Evans iyon.  Dumalo ka muna sa parangal.
Tapos, magtuloy ka sa “study group” mo. O, sige. Sa a-kinse ng alas
singko, sa Evans, ha?

Romy:               Sige, Malamang..

Nestor:              Iyan ang gusto ko sa iyo.  Marunong makisama.