Unit 7 - Ang Pagkaing Pilipino (Filipino Food)

PAG-UUSAP

"POT LUCK"

(Nag-uusap sina Carol, Margie, at Lino tungkol sa nalalapit na "potluck" nila sa Asian Club.)

Carol:       Ano, Lino? Naisip mo na ba kung ano ang dadalhin mo sa ating "potluck" sa Linggo?

Lino:    Hindi pa nga, eh.  Tulungan kaya ninyo ako, kasi ang ating napagkayariang mungkahi ay ang magdala ng pagkaing katutubo sa iyong lahi.

Margie:  Bakit hindi ka magluto ng adobo?  Masarap ang adobo mo.

Lino:       Alin iyon bang adobong baboy?

Margie:  Hindi,  'yong adobong manok at baboy.

Carol:     Oo nga, Lino, iyon na lang.  Masarap iyon.

Lino:      O, sige, adobong baboy at manok.  Carol, mayroon akong alam na masarap    mong lutong Pilipino.

Carol:  Alin iyon?

Lino:   'Yong Pansit Bihon mo.

Carol:  Ay, hindi ko luto iyon.  Ang Nanay ko ang masarap magluto ng Pansit Bihon.  Hayaan mo.  Iyon ang dadalhin ko.  Hihingin ko ang resipe sa Nanay at patuturo ako.

Margie: Bigyan mo rin ako ng resipe, Carol at panonorin ko ang pagluluto ninyo ng Pansit Bihon.